الجمعة، مارس 12، 2010

ثورة شعارت لعمال أمنسيتو وسالمكو المعتصمين ضد الظلم وضد الجوع

لم يجد عمال شركتى أمنسيتو وسالمكو للغزل والنسيج المعتصمين منذ أكثر من عشرة أيام دون الإستجابة لمطالب ومظالم عشر سنوات سوى الغناء والاناشيد الحماسية أمام مجلس الشورى بشارع القصر العينى معبرين عن إهمالهم ومطالبهم وألامهم ومظالمهم بالهتاف والأشعار التى ألفها حسن حلمى أحمد . شاعر العمال المعتصمين بالأقوال . شوفوا الحكومة الجبارة . جابت للريس مرارة . يا ريس ربنا يشفيك . المرارة لينا وليك . أنت رحت على برلين . وحنا هنا هنروح لمين . يا نواب الشعب أمانة . أأفوا مرة معانا . فين نواب الشعب فين . أعدين جوة مرياحين . أعدين عالكرسى مرياحين . وأحنا هنا عالرصيف نايمين . شاطرين بس فى الإنتخابات تشحتوا منا الاصوات . شاطرين بس موافقين . على خرابها متحدين . على سرقتها موافقين . فين النائب العام فين . فين هو النائب العام . أهو كرسى والسلام .يمكن عالقضية نام . نام عليها لصالح مين . لواحد من الفاسدين ., يلى رايح . يلى جاى . شوف الخيبة عملا الزاى . يلى رايح ويلى جاى . تعالى شوف الفضايح . الفضايح عالجوانب . وصوروها الاجانب . الفضايح كانت جوة . وصورها طلعت برة . شايفين حكومة نظيف . هتأجرلوكوا الرصيف . إليى هيمشى على رجليه . هيتفع 2 جنية. واللى هيخدها جد . هيكسرولوله رجليه . وادى حكومتك يا نظيف . كالو حق العمال . الحكومة المفترية . كالوا حق الشأيانين . وأدوا لبتوع الكورة الملايين .ماهى حياتهم كورة فى كورة . أكلوا حق الملايين . ودوها لعشرة لاعبين . أدوها لبتوع الكورة . جدو يا جدو. أنا عاوز ألعب كورة . وأبطل أنتج وتشرد . وأشوط الكورة وأنا عريان . طالما أكلوا حقوق الأماش والنساج .ونبطل نصنع نسيج بدل منام عالرصيف .شايفين الوزيرة الحريفة . جيبلكوا عشرين وظيفة . وإحنا 1200 . والباقى يروحوا فين . شوفتو الحكومة الجبانة . عيشتنا عالإعانة . والإعانة 200 جنية . وإحنا هنعمل بيهم أيه . أبنى نفسوا فالفلوس . علشان حأ الدروس . وأنا أجبلوا يا ناس منين . وأنا نايم عالرصيف . مترميين عالرصيف . من سياستك يا نظيف . شوفتم حكومة نظيف . هتأجرلكوا الرصيف . وإحنا العمال الصابرين . أعدين هنا وصامدين . إحنا العمال المنسيين . على حأنا مش ساكتيين . إحنا العمال الأبطال على حأنا مش هنطاطى . إحنا كرهنا الصوت الواطى . حق العامل فى الدستور . المسئول عنه فتحى سرور . حق العامل فالحرية . ضيعوه الحراميه . ضيعوه ميه لميه . حق العامل إنه يعيش . دا كلام بس . فعل مفيش . هما فضيوا خلاص للكورة . بأوا يشجعوا الكورة . حياتهم بأت كورة فى كورة . حلو مشاكل الجماهير . فضيوا خلاص لبتوع الكورة . جدو يا جدو . وأنت يا رب تزلهم . وأنت يارب تهدهم . يا حكومة ظالمين فين حق العاملين . إعتصمنا دا مشروع ضد الظلم وضد الجوع . وإحنا هنا معتصمين . وإحنا وراكم ليوم الدين . يا حكومة ظالمين

ليست هناك تعليقات:

إرسال تعليق